كلمات اغاني جورج وسوف(الجزء السادس)

ما تقولو ليه

ما تقولو ليه أنا ليه بقول إسمه
وجيب سيرته كتير
ما تقولو ليه بسأل على الناس كلّها
دايماً عشان أسأل عليه
وإن حد شافه وإبتسم له
غصب عنّي بخاف وغير
ما اعرفش ليه أنا مالي بيه
هوّ أنا لسه بحبو بحبو ولاّ إيه

يمكن بحبه لسّه بس بخاف أقول
وبخاف لحد يحس ويروحله ويقول
معقوله لسّه في قلبي لأ
غلطان يا قلبي ما لكش حق
لو كنت بتحبو صحيح خبّي عليه
ما اعرفش ليه أنا مالي بيه
هوّ أنا لسه بحبو بحبو ولاّ إيه

من كتر شوقي ولهفتي ألمس إيديه
أروح أسلّم علّي سلّم يوم عليه
إيه اللي بس بحسو ده
إيه اللي بس بقولو ده
نفسي يا قلبي تنام في يوم
تصحى ناسي
ما اعرفش ليه أنا مالي بيه
هوّ أنا لسه بحبو بحبو ولاّ إيه
*********************************
دول مش حبايب

يا عمري آه يا قلبي إنسى
دول مش حبايب دول ياما لسّه
ناويين علينا حاجات غريبه
وانت كلك حنان وطيبه
والناس الناس عالطيب بتعيّب
لا تستغرب ولا تستعجب
ادي الزمان اللي إحنا فيه

يا اللي ناويين عالجراح صعب جدّاً تجرحوني
بكره تتمنوا السماح تحلموا بنظرة عيوني
طول عمره قلبي دايب
ولا كنتو فيوم حبايب
والناس الناس عالطيب بتعيّب
لا تستغرب ولا تستعجب
ادي الزمان اللي إحنا فيه

إحنا خدنا عالغياب ماللي قلبو مش عشاني
قلبي ما بيعرف عذاب حبو مره ونسيو تاني
طول عمره قلبي دايب
ولا كنتو فيوم حبايب
والناس الناس عالطيب بتعيّب
لا تستغرب ولا تستعجب
ادي الزمان اللي إحنا فيه
**************************************
لعبة نظر

أصل الهوى لعبة نظر
هوّ كده بالمختصر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر

سر الهوى رمش العيون يشبك قلوب الطيبه
يصدق سنه وسنين يخون ينسى قلوب متعذّبه
عارفين وحاسّين قسوته وبرضو نمشي بسكتو
مين فينا يخالف كلمته مهما حكم ولاّ أمر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر

نتوب ونحلف كل يوم المتابه توصل للفضا
لكن بننسى في تاني يوم ونرجع على حب ورضا
غارقين في بحر محبته دايرين تملي في دنيته
لو طالت فينا رحلته حنمشي لو طال السفر
يكدب نصدّق كدبتو
نعشق ونمشي بسكتو
رغم المهالك والسهر
أصل الهوى لعبة نظر
***************************************
عشاق آخر زمن

والله وقاسينا منهم علىآخرالزمن
غلطان لما تآمنهم عشاق آخرزمن
وادي اللّي حلمنا بيهم
جرحونا الله يجازيهم
ولا كانوا يا قلبي لينا
ولا كنا يا قلبي ليهم
عشاق آخر زمن... عشاق آخر زمن
يا قلبي يا قلبي... عشاق آخر زمن
مكتوب...
مكتوب تعشق قلوبنا ونبات والشوق غالبنا
وحناخذ ايه يا قلبي مالدنيا غير نصيبنا
يمكن لوضاع هواهم ملناش نصيب معاهم
وكان مقسوم فراقهم من اوّل يوم لقاهم
وادي اللي حلمنا بيهم جرحونا الله يجازيهم
ولا كانوا يا قلبي ليناولا كنا يا قلبي ليهم
عشاق...
عشاق يا قلبي دابوا وكثير دابوا في عذابو
والهوى غدار وقاسي معملتش ليه حسابو
حبيت واهو ضاع شبابك وسنين ولا دقوا بابك
فاتوك حيران وتايه وادي اللي يا قلبي نابك
وادي اللي حلمنا بيهم جرحونا الله يجازيهم
ولا كانوا يا قلبي لينا ولا كنا يا قلبي ليهم
****************************************
شيء غريب

شيء غريب , شيء عجيب
امرك يا قلبي شيء غريب
اللي صانك بتجافيه واللي خانك بتناديه
والله امرك شيء غريب
شيء غريب , شيء عجيب ..

اللي صانك ذنبو ايه عملك ايه دايمًا ناسيه
ياما كان بيخاف عليك حتى من نظرة عينيه
ليه يا قلبي مسهّرو ليه غرامك حيّرو
هو قلبك كان شاريه
اللي صانك بتجافيه واللي خانك بتناديه
والله امرك شيء غريب
شيء غريب , شيء عجيب ..

اللي خانك عايزو ليه بعد ما خان الحنين
شفت حبه عملك ايه دوّقك مر السنين
ليه يا قلبي مسهرك ليه غرامو محيرك
هو قلبو كان شاريك
اللي صانك بتجافيه واللي خانك بتناديه
والله امرك شيء غريب
شيء غريب , شيء عجيب ..
*************************************
غلابه في الحب

غلابه في الحب غلابه يا قلّة بختنا
عشقنا الناي والرّبابه نصبّر نفسنا
ده الحب خطير محتاج تفكير
طب يللا نصبّر نفسنا

حاولنا نحب الحب وكنّا عارفين المسأله
لاقينا الحب بيبعد عنّا وديّه المشكله
ولا جاه يوم في بالنا إنّه ده راح يجرالنا
ده الحب خطير محتاج تفكير
طب يللا نصبّر نفسنا

يا دنيا ليه بتفرّقي بينا وسرّك عندنا
ما تخلّي الفرح يطير حوالينا ونشوف الهنا
ونفكّر بحالنا وننسى اللي جرالنا
ده الحب خطير محتاج تفكير
طب يللا نصبّر نفسنا
***************************************
ويّا القدر

ويّا القدر ياما شفنا اشكال والوان
أمر وصدر على قلبي بالحرمان
أبعد عن سكِّتو ولّا أنسى محبِّتو
قللي القدر وما صدَّقتوش
انه الِّلي زيّو ما آمنلوش
لكنه قللي متأخَّر
بعد الِّلي كان والمتقدَّر
ومهما عندي من حذَر
ما يمنع شروع القدر
امر وصدر على قلبي بالحرمان
ويّا القدر ياما شفنا اشكال والوان
امر وصدر آآآآه
امر وصدر على قلبي بالحرمان

عشنا كتير وشفنا عشَّاق كتير مظاليم
حبيّنا ما حدِّش شفنا كان حب قصير واليـــم
شفنا الّسعاده يومين وغابت عنّا سنين
وجينا وأفترقنا وكان فراقنا اليــــم
قللي القدر ...
حياة الحب حلوه ليه قسَّاك الزَّمان
ضاع منّا لحن الغنوه وغاب عنّا الحنان
كنّا مع الطريق مطرح ما ياخدنا مكان
وكان قلبي البريء عايش من غير حرمان
قللي القدر ...
*******************************************
الحب شاطر

مش جاي اقلِّك بعتيني ليه
واخترتي غيري وفرحتي بيه
انا بس جايلك عشان اقلِّك
لو كنتي قلتي كان يجرى ايه
الحب شاطر .....ولا له خواطر
لأنا ولا إنتي نقدر عليه

انا مش بلومك ولا بعاتبك
عشان ده غيري اختاره قلبك
حكم النصيب شيء مش غريب
لا الذنب ذنبي ولا هو ذنبك
ولحد إمتى حصبر حبيبتي
ولحد إمتى حتداري عني
كان قلبي حاسس انك بعدتي
ولا فيش في مره احساسي خانِّي
الحب شاطر .....ولا له خواطر
لأنا ولا إنتي نقدر عليه

ان كان حبيبك مخلص حقيقي
وبحبّو يقدر يسعد حياتك
على طول حسيبك وامشي في طريقي
ويا ريت يعوّضِك كل اللي فات
قلبي معاكي راضي برضاكي
وبحبّو ضحَّى علشان هناكي
حبقى وحيد لكن سعيد
لما اشوفك نلتي مناكي
الحب شاطر .....ولا له خواطر
لأنا ولا إنتي نقدر عليه
***************************************
الحب الكبير

ومهما حتفكري وقبل ما تقدّري
انا حبي ليكي كبير وفوق ما تتصوري
يا ام العيون كحلى فيك الحياه تحلى
عمري انا رحله امشيها لو تأمري

وملكت بيك الكون ولاني بيك اكون سلمتلك امري
اما اللي ضاع قبلك من قبل ما اقابلك مش بحسبو بعمري
من حبك المبتدى عمري بلقاكي ابتدى
يا ام العيون كحلى فيك الحياه تحلى
عمري انا رحله امشيها لو تأمري

لو كان هواك قدر انا اللي قلبي قدر يوهبله ايامي
صاين انا وعدك وعيوني بتواعدك بسكوتي وكلامي
وعشقت بيك الروح وحنان يرد الروح
يا ام العيون كحلى فيك الحياه تحلى
عمري انا رحله امشيها لو تأمري
**********************************************
يللي جمالك

يللي جمالك نوع تاني
تايه ولاقيت بيك عنواني
قرّب أكتر ما انت قريب
خلّي الحب ولا مرّه يغيب
كل ما فيك بينده ليّا
حتّى عينيك بتحلم بيّا
إفتح قلبك ولا تنساني
إفتح قلبك ولا تنساني

ياما عينيك خدوني قبل بدايتي معاك
ألقى الشّوق في عيوني أكتر وأنا ويّاك
الروح عشقاك وبتتمنّاك
دايماً فاكراك من قبل لقاك
قرّب أكتر ما انت قريب
خلّي الحب ولا مرّه يغيب
كل ما فيك بينده ليّا
حتّى عينيك بتحلم بيّا
إفتح قلبك ولا تنساني
إفتح قلبك ولا تنساني

ياما هواك غيّرني خدني لدنيا بعيده
أشعر فيها كإنّي كلّ حياتي جديده
القلب ناداك والعين تهواك
وكمان شايفاك عالحبّ ملاك
قرّب أكتر ما انت قريب
خلّي الحب ولا مرّه يغيب
كل ما فيك بينده ليّا
حتّى عينيك بتحلم بيّا
إفتح قلبك ولا تنساني
إفتح قلبك ولا تنساني