قوبن من هوى الحب ذابت(الجزء السادس)(الجزء السابع)

الجــزء الســـ ـ ـ ـ ــادس ...‏

بتبدأ اختبارات الثانويه العاامه وبدأ الخووف ‏والقلق يلف على البناات من بكرا عندهم ‏اختبار رياضيات وزااره وكلهم خاايفين وشايلين ‏هم ...‏
ولـع ودموعها تنزل : يمـه والله ما رح احل يمه ‏هذي وزااره ميب لعبه ‏
ام يزيد تخفف عليها : لا تشيلين هم يا بنيتي ‏تراه اختبا ر دنيا وان شاء الله بتنجوون
زياد يتطنز : تبكين عشان اختبار ههههه انا علي ‏بكرا اختبارين ولا قلت شي ‏
ولع : بلاك بزر ما تدري وين ربي حاطك فيه ‏
زياد يبي يقهرها : وين حاطني فيه هذاني ‏معكم في الصاله روحي امسحي دموعك يام ‏دميعه هههههههههه
ولع بقهـــر : يمه شووفيه خليه يسكت لا اوريه ‏شغله ...‏
ام يزيد : زيااد يالله قم لغرفتك ولا تأذي اختك ‏خلها فحالها ‏
‏ طلع زياد وهو يتحلطم وطلعت وراه ولع لعند ‏دلع ‏
دلع ما كانت احسن منها يوم شافت اختها ‏
دلع : والله اني خايفه يووه ما رح احل شي ‏وش اسوي ‏
ولـع : كلنا في الهوا سوا ابروح اكلم بنت عمي ‏حبيبتي اشوف حالها راحت تدق على حلا اما ‏دلع كملت مذاكره ‏
حلا : يا ولاعه وش تبيني اسويلك يعني كلنا ‏بنختبر ‏
ولع : طيب بس انا خااااايفه دقيت عشان ‏تخففين عني مالت علي بس
حلا : ايه والله ماالت علييك ‏
وليــد في الصااله يدق على حلا : حلا حلا ‏ممكن تفتحين .. ‏
حلا تكلم ولع : وش يبي هذا بعد ‏
ولع : منهووو .. حلا : وليدووه يطق باب غرفتي ‏يبيني افتح له ‏
ولع : بعد والله تكفيين روحي شووفيه انا ‏احترييك ‏
حلا : اووكي ون منيت ... وقاامت حلا بتشوف ‏وش يبي عند الباب : نعم وش تبي ‏
وليــد بابتساامه : حلا الساعه كم الحين ‏
حلا تناظرة ببرود : وش هالسؤال البايخ يعني ما ‏فيه ساعه في الصاله ولا فغرتك ولا هذي اللي ‏قدامك وشو ‏
وليد تفشل بس ابتسم : ايييه ادري طيب الساعه ‏كم ..؟
حلا بقهرر : هذاهي قدامك السااعه تسع ‏
وليد وتزيد ابتسامته : طيب وش رايكم باللي ‏يوديكم تتعشون برا ‏
حلا تناظره : نعم اخوي وش قلت ‏
وليد : حلا انتي ليش اسلوبك كذا معي انا قلت ‏دامني طفشان اطلعكم منها اروح عن نفسي ‏ومنها اخرجكم شوي من جو المذاكره ‏وتتونسون شووي ‏
جااتهم الجووري : وش فيييكم وش تحشوون ‏فيه ...‏
حلا : ما نحش شوفيه ولد خالتك يبي يعشينا برا ‏
الجوري بفرح : والله جد يا سلام من زماان ما ‏شفت الشارع ‏
حلا : نصابه امس شايفته من الدريشه بعد ‏
ضحك وليد : ههههههه طيب وش قلتوا ‏
الجوري : اكيد موافقه .. حلا : منيب موافقه ‏
الجوري : ليش حلو وش عندك ‏
حلا وهي تدخل : راسي يعورني منيب فاضيه ‏لطلعاتكم ودخلت تكمل حكي مع ولع ‏
اما وليد مستغرب لابعد حدود منها ويناظر ‏الجوري اللي تفشلت من اختها ..‏
الجوري تكلمه : ما عليك منها لا تدقق في ‏تصرفاتها يالله مالنا نصيب في الطلعه خلها مره ‏ثانيه وراحت غرفتها ووليد نزل الصاله يتفرج ‏تلفزيون وش يسوي ما باليد حيلـه .... ‏
اما حلا فقالت لولع اللي صــار ‏
ولع : والله موب سهل بعد يعزم لو انا منك كان ‏وافقت ‏
حلا : نعم يختي اوافق بصفته مين عشان ‏يحسبني مشفوحه على الطلعه لا يا حبيبتي انا ‏ابي احسسه اني ما اعتبره ولا شي بتصرفاتي ‏ابخليه يكره انه جا عندنا حتى
ولع : اوووف منك حسني اسلوبك معه ترا وراك ‏اختبارات والله ان يدعي عليك وتقعدين فيها ‏يالله انا بسكر سلاام
حلا تفكر في كلام ولع وهي الصادقه : اووكي ‏باي ‏
مسكت رااسها بشكل ملفت في محاوله منها انها ‏توقف الصداع : ياربيه من راسي انا لازم ‏اشوفلي حل ما ينفع كذا ‏
نزلت تاخذلها بندول من المطبخ وتاكلها شي ‏تحس بجووع قااهـــر ‏
لقت وليد قاعد في الصاله شكله يكسر الخاطر ‏كانه يفكر وشعره محيووس ومو منتبه للتلفزيون ‏ابدا ‏
وانا وش علي منه ورااحت للمطبخ تصلحلها ‏اكل وليد طبعا ما انتبه لها ‏
بعد ربع ساعه طلعت من المطبخ ووليد على ‏نفس حالته انا لازم اسئله ‏
راحت جلست في اخررر كنبه وهي تناظر للـ ‏tv‏ ‏‏: وش فيه الاخ سرحاان ‏
وليد رفع راسه لها وابتسم : سلامتك ما فيني ‏شي ‏
حلا :ايه مره ما فيك شي اجل تفكر وتتعب ‏نفسك على الفاضي

الجـــزء السابــ ـ ـــع ...

‏........ : الــو الجوري ‏
الجوري قلبها يدق : نـ نـ نعم ميــن ..؟ ‏
‏....: جواري ما عرفتيني ..؟ مبروووك خلصتوا ‏من الغثااا ‏
الجوري باستغراب واضح : يزيــــــــد
يزيد : ايه يزيد ادري متفاجئه بس قلت ‏خليني اباركلك بنهايه الاختبارات بنفسي ‏
الجوري بحيا : الله يبارك فيك ‏
فترره صمت يتخللها ضحك البناات اللي ‏مسمووع بووضووح
حلا بصرااخ : جووااري وجع من تحااكين ‏
ولع : يا ايتها الفتاه المتعجره نحن نهرج ‏معتس ..‏
يزيد ضحك : ههههههههه ما يتوبون هالبنتين ‏حطي سبيكر شوي
الجوري بروعه : وشو وش سبيكره تبي ‏تفضحني ‏
يزيد : عاادي ولد عمكم ويكلكم وش صاار ‏يالله بسرررعه ‏
حطت الجوري سبيكر : يالله ‏
يزيــد : ‏hi girls ‎‏ وش هالصرااخ انتي وياهااا ‏
البناات ارتااعووااا والجوري تضحك ‏
غراام : وش جابك انـت ‏
يزيد : لا انا في غرفتي ما جيت ‏
ولع : يزيدوووه من متى انت تكلم جوااري ‏
حلا : ايه يا خويا هيا وكاله من غير بواب ولا ‏اييييه .. ‏
يزيد يضحك : هههههههه بس كنت ابقولكم ‏مبرووك انتهاء الزفت الاختبارات ‏
البنات كلهم الله يباارك فيك وشالت الجوري ‏السبيكر وراحت بعيد ‏
الجوري بجديه : يـزيد ‏
يزيد برقه : عيــونه .. الجوري استحت : يزيد ‏معليش انا ما اقدر اكلمك صح اني بنت ‏عمك بس اكلمك اسمحلي ما اقدر لا تزعل ‏مني طيب ‏
يزيد بتقبل : لا عاادي بالعكس وليش ازعل ‏انا بس حبيت اسمع ا اقصد اباركلك وان ‏شاء الله ما رح تشوفين رقمي مره ثاانيه ‏
الجوري : اهم شي انك ما تتضايق منــي ‏
يزيد : افاا يا بنت العم في احد يتضايق من ‏نفسه على العموم فررصه سعيده ونشوفك ‏على خير ‏
الجوري بحيا : ان شاء الله ‏
يزيد : انتبهي لنفسك ‏
الجوري : وانت بعد بااي وسكرت وحضنت ‏الجواال :اااااه منك بس ‏
دلع : وش فيه اخووي وش يبي منك لا ‏يكوون وحشتيه
نطت غراام : ولا حب يسمع هالصوووت ‏العذاااب ‏
شروق : ولا قاالك ابمرك اليوووم ‏
حلا : ولا قااالك انا ما اقدر احبك هههههه‏
الجوري لفت عليها : انقلعي يا التبنه طسي ‏بس ‏
ضحكوا البنات عليهاااا ‏
وفي نهايه اليووووم ‏
دلـع : بنوتاات حلووين مين بيجي يااخذنا ‏تودااي ‏
جوااهر : ان شااء الله انه المزيوون ‏
غرام بنص عين : اقول بس عطيتكم وجه ‏مهوب جاي اخوي
الجوري نطت : بنات عموو وش رايكم نروح ‏المملكه والله فله الحين تلاقونها ‏
ولع : لااا منيب احب الزحمه وخصوصا ‏هالوقت ‏
دلع : اييه والله اخلي يزيد يجينا ‏
الجوري بروعه : لا وش يزيد لا نبي مع ‏السواق ‏
حلا : وليش بينكم قصه حب انتي والسواق ‏ولا علمتينا ‏
الجوري بعصبيه : انطمي بس يخسي الا هوو
دق جوالها ... ‏
ولع : ايييه عطااك وجه ترااه بقوه بعد ‏
الجوري قاامت : من جد سامجاات ‏
شوي رجعت الجووري : بناااات من بياخذنا ‏اليووم اتحدااكم